ნატო ვაჩნაძის დაბადებიდან 120 წლის შემდეგ ისტორიას შემორჩა მისი „სილამაზის ლეგენდა“, მაგრამ ცოტამ იცის პირველი კინოვარსკვლავის ნამდვილი ამბავი. სწორედ ეს „ლეგენდა“ აქცევს ჩრდილში ნატოს პროფესიონალიზმსა თუ ცხოვრებისეულ ქარტეხილებს, არადა მისი ფიგურა გაცილებით მრავალშრიანია ვიდრე მხოლოდ იმდროინდელი ლამაზი ქალის სტატუსი.

 

ნატო და მისი 3 და-ძმა, მამის – გიორგი ანდრონიკაშვილის – ნაადრევი გარდაცვალების შემდეგ დედამ, ეკატერინა სლივიცკაიამ გაზარდა. იგივე განმეორდა ნატოს შემთხვევაშიც: ნიკოლოზ შენგელაია 41 წლის ასაკში გარდაიცვალა და ნატო იქცა დიდი ოჯახის დედაბოძად.